شرح تحميل وتثبيت نظام ماك نسخة Mac OS X 10.9 mavericks

بسم الله الرحمن الرحيم 

اليوم أن شاء الله سننطلق معا في شرح تنصيب نسخة ماك المافريكس Apple Mac OS X 10.9 Mavericks

بدأ من تجهيز الفلاشة الخاصة بالتنصيب حتي الإنتهاء من كافة الكيكست " التعريفات " وعمل البووت لودر للإقلاع دون الحاجة للفلاشة سأعتمد في الشرح علي اللغة العربية البسيطة عشان الناس كلها تفهمني والموضوع ميبقاش ممل
قبل الشرح يمكنكم الإطلاع علي المزايا الخاصة بالنسخة علي الرابط التالي

مزايا وجديد نسخة المافريكس OS X Mavericks

نبدأ الشرح علي بركة الله

أولا تجهيز الفلاشة الخاصة بالتسطيب
هنحمل البرنامج اللي هنعمل بيه فلاشة التنصيب والبوت من الرابط ده

http://www.gulfup.com/?Y8VU7B

هنحمل نسخة الماك " المافريكس "  اللي هنسطبها .. ملف تورنت

http://www.gulfup.com/?zjF9OV

بعد تسطيب البرنامج بالطرق العادية نقوم بفتح البرنامج نجد الصورة التالية

نقوم بتركيب الفلاشة بالجهاز ولا تقل عن 8 جيجا

1- نختار ملف النسخة اللي حملناه من التورنت

2- نختار الفلاشة التي قمنا بتركيبها

3- نضغط علي Write لبدء تحميل النسخة علي الفلاشة

بعد الإنتهاء من التحميل نكون قد إنتهينا من تجهيزة فلاشة التسطيب الخاصة بالمافريكس

ثانيا مرحلة تسطيب الهاكنتوش عالكمبيوتر العادي

من هنا لازم نركز مع بعض في شوية حاجات مهمة هقولهم في نقاط عشان متتهوش مني

1- الماك مبينزلش غير علي هارد ساتا وعلي Ahci mode في أغلب الأجهزة وطبعا نظام الساتا ده بنعمله من إعدادت البيوس 

2- بعض الأجهزة ونادرا لما نلاقيها بيكون في نظام ahci بس مش بيقبل الماك هتقولي أزاي هقولك لأن في الأجهزة دي في نظام للساتا اسمه ATA لو لاقيته موجود في اعدادات البيوس وال ahci مقبلش التسطيب هتختار ATA "حصلت معايا بالمناسبة في جهاز dell 755 "

3- لو عندك خبرة في برامج البارتشينز وخصوصا برنامج Easus partition manager يبقي الأفضل أنك من المساحة الخالية عالهارد المتوفرة تعمل بارتيشن جديد بمساحة متقلش عن 40 جيجا وتديله فورمات fat32 

4- الماك مبينزلش علي ntfs نهائيا

5- وأنت بتسطب الماك وماشي معايا في الخطوات ممكن يطلعلك عطل او عيب او شاشة سوداء مليانه كلام ابيض زي الدوس كدة متقلقش انت كدة جهازك في قطع مش متوافقة هنقوم باضافة تعريفات ليها او حلول ليها عن طريق حاجة اسمها boot flags 

6- ال boot flags عبارة عن اوامر بنكتبها عند الدخول للنظام او تسطيب النظام لتفادي مجموعة من الماكل او الدخول بصيغ مختلفة للنظام وتسطيبة .. فين بنكتبها ؟؟ بنكتبها لما بنبدأ البوت من الفلاشة .. خليك فاكر

7- كلنا عرفنا ان التعريفات هي المشكلة الاساسية اللي بتواجه اي حد عايز ينزل الهاكنتوش علي جهازة احب اقولك ان اسمها كيكست kexts ودي ليها مواقعها اللي ممكن نحملها منها حسب نوع واصدار وموديل القطعة اللي في جهازك وفي اخر الشرح هضيف لكم المواقع اللي ممكن نحمل الكيكست بتاعتنا منها 

والأن نتابع الشرح بالصور أولا ويليه فيديو كامل لعملية الشرح


أول حاجة iطبعا هنظبط اعدادات البيوس علي ahci و هنركب الفلاشة اللي عملناها في الأول في الجهاز ونظبط البت أنه يبوت من الفلاشة الأول أو ندوس علي زر f12 أو F8 حسب البوردة بتاعتك وتقوله boot from usb أو تختار اسم الفلاشة اللي انت مركبها في الجهاز وتدوس Enter

ودي صورة اللي هتجيلنا أول ما نبوت من الفلاشة ..

من هنا هيبدأ الضرب يا معلمين ولازم نصحصح أوي في الجزئية دي لان دي زي ما بيقولوا مرحلة الخطر بمعني أننا لو عدينا المرحلة ظي صح يبقي ضمنا التسطيب للاخر إن شاء الله .. هنا في اخر الصورة في مؤشر إننا ممكن نكتب حاجة هنا يا رجاله بنكتب ال boot flags اللي كلمتكم عليها في الاول .. والبوت فلاجز دي مش كلها تنفع لكطل الاجهزة او بمعني اصح مش كل الاجهزة هتحتاجها لان ممكن يكون الجهاز متوافق كليا ومش محتاج اي بوت فلاجز .. فاحنا هنعمل ايه هندوس Enter علطول ونشوف الدنيا ماشية أزاي لو كملت معانا للصورة اللي جايا يبقي تمام ونكمل
طب لو مكملتش ؟؟ أممممممممم هقولك أنا بقي تروح تراجع إعدادات البيوس وتتأكد إن الهارد علي sata Ahci Mode وإن ال HPET مفعلة وعلي نظام 64 Bit
طب لو الإعدادات تمام ومكملتش هقولك تعالي بقي معايا عشان إنت قطع الجهاز بتاعتك فيها قطع مش متوافقة فهنضطر نبدأ بالسيف مود بعد كدة نرجع للوضع العادي بعد السيطب ودي هنعملها أزاي هنكتب البوت فلاج ده
x-
 قبل ما ندوس Enter
ولو منفعش هتكتب
npci=0x2000 GraphicsEnabler=Yes
ولو منفعش هتكتب
PCIRootUID=0 GraphicsEnabler=No
ولو منفعش هتكتب
USBBusFix=Yes npci=0x2000
ولو منفعش هتكتب 
s-
وبعد ما تحمل هتكتب fsck -u وبعدها هتكتب / mount -uw
وبعدها هتكتب exit ويبدأ التحميل

وده كلام المطور من موقعه الرسمي اللي حللي اغلب المشاكل ولله الحمد

Before Installation

if you're stuck at "still waiting for root device" add the kernel flag USBBusFix=Yes with the existing kernel flags

if you are stuck at scrambled graphics: -x

After Installation

If You're Stuck at DSMOS Has Arrived

Reboot Using "-s" Kernel Flag (Without The Quotes)

type "fsck -fy" press enter (Without The Quotes)

type "mount -uw /" press enter (Without The Quotes)

type "grafix backup all" press enter (Without The Quotes)

type "reboot" press enter (Without The Quotes)

This will Enabler VESA Graphics You'll Have to Manually Install Your Graphics Kexts

AMD Users May Have Problem With AppleIntelCPUPowerManagement.kext

to Avoid The Problem

Backup The Related Kexts

Reboot Using "-s" Kernel Flag (Without The Quotes)

type "fsck -fy" press enter (Without The Quotes)

type "mount -uw /" press enter (Without The Quotes)

type "mv /System/Library/Extensions/AppleIntelCPU* /" press enter (Without The Quotes)

type "reboot" press enter (Without The Quotes)If You Have Boot0 Error

To Fix It

في حالة نجاح التحميل والتوافق هتظهرلنا الصورة اللي جايا

كدة أحنا في التمام وهننتظر التحميل من دقيقتين لخمس دقايق لحد ما تظهرلنا الصورة اللي جايا


هنا هنختار اللغة الإنجيليزية أو العربية زي مانت عاوز والاتنين موجودين وكاملين والكمال لله وحده

هنا متفرحش أوي وتدوس continue لسه باقي تهيئة البارتيشن أو القرص اللي هننزل عليه نظام الماك
تابع خطواط الصورة اللي جايا

من قائمة Utilities هنختار Disk Utility ونتابع في الصورة اللي جايا لانها خطوة مهمة وركزوا معايا

من الشمال هنختار الهارديسك بتاعنا ومنه نختار البارتيشن اللي عايزين ننزل عليه
ونختار من اليمين قائمة Erase وهنلاقي فيها خانتين
الأولي هنختار منها صيغة البارتيشن ونختار زي الصورة تماما .. journaled بس
لأن في صيغة journaled تانية دي حمايتها عالية جدا وبتقفل كل البرامج اللي محتاجينها فهنختار زي الصورة تماما
ونضغط علي Erase

بعدها ندوس علي First Aid وهنختار البارتيشن وندوس علي زرار Verify Disk وننتظر التحميل والتشيك ونشوف النتيجة أذا ظهر سطر بالاخضر مكتوب عليه ur partition verified as good يبقي أحنا كدة تمام
ونقفل من زر الإغلاق اللي فوق وننتقل للخطة اللي بعديها زي الصورة اللي جايا

من هنا هنختار البارتيشن اللي عملناله Erase و Verify وندوس install زي الصورة تماما

 ويبدأ التحميل اللي بيستغرق حوالي 20 دقيقة ل 30 دقيقة

 وهنا جاري التحميل والحمد لله اللي بعد ما بينتهي الجهاز بيعمل ريستارت وهنخلي الفلاشة راكبه زي ماهي محدش يشيلها وهنا في التحميل اول ما يفتح الجهاز  هندخل من البوت علي الفلاشة تاني زي الاول بالظبط بس ركزوا معايا هنخش  عالبارتيشن اللي كاريتناه ونزلنا عليه النسخة مش هنخش عالفلاشة تاني

هنا الجهاز بيبدأ يفتح عشان نكمل باقي الخطوات

 هنا هتختار بلدك وتدوس عالسهم اللي عاليمين

 هنا هنختار زي الصورة تماما تالت خانة وندوس علي Continue
بعدها هيطلب منك أسمك وباسوورد للجهاز لو عاوز

هنا هتكتب الاسم والباسوورد اللي كتبتهم في الخطوة اللي فاتت

ودي نسخة المافريكس بعد تسطيبها كليا 

مبروكٌ عليك تثبيت نظام Apple Mac OS X 10.9 Mavericks

ولحد هنا أحنا تمام التمام مش فاضل غير أننا نختبر جهازنا وننزل أداه مهمة جدا اسمها Multibeast ودي أداه بيكون جواه مجموعة تعريفات كتير لو تعريفاتنا موجودة فيها بتظهرهالنا وتعرفهالنا اتوماتيكيا وكمان بتنزل لنا البوت لودر اللي هنخش منه بعد كدة لان عيب ندخل كل شوية بالفلاشة افرض الفلاشة ضاعت نلبس احنا بقي .. وطبعا البوت لودر الموجود معاها من اقوي البوتات واسمه chimira
,وهنحملها من الرابط ده

تحميل Multibeast

وهندوس من تحت شوية عاليمين علي download this file

بعد التحميل هنفتحها ونحدد علي تعريفاتنا اللي هي هتظهرهالنا وعلي البوت لودر chimira وندوس من فوق علي زرار build ونعمل ريستارت للجهاز ونشيل هنا الفلاشة ونبوت من الهارد عادي هيدخل بينا عالبوت لودر اللي سطبناه من ال multibeast ونشوف الجهاز شغال زي الفل بالتعريفات

وده شرح فيديو لكافة الخطوات اللي ذكرناها وفيها بيتم شرح تصطيب النظام بجانب الويندوز كنظام وهمي للتجربة قبل التسطيب ولكن نفس الخطوات بالشرح هي نفس خطوات التنصيب كاملة لكل الأجهزة

أن أصبت فمن الله وإن أخطأت فمن نفسي والشيطان

وللشرح بقية إن شاء الله ..

أتمني أن أكون قد أفدتكم ولو بالقليل وأتمني من الله جل وعلي أن لا تحرموني بدعوة بظهر الغيب وأن تدعوا لوالدي بالرحمة والمغفرة

أخوكم في الله