مزايا وجديد نسخة المافريكس OS X Mavericks

OS X Mavericks​

في النسخه هذي من النظام استمرت ابل في تقديم عملية الدمج بين النظامين الماك والـــ IOS واعطاء اكثر سهوله وجماليه وفايده في نظري للنظام الافضل في عالم الكمبيوتر ​

اولا اضافه هيا ​

 ​

iBooks
نظام الماك انظم لسلسة اجهزة ابل الباقيه واصبح يملك استور للكتب لتحميلها وقرائتها 


ومزامنتها مابين كل الاجهزه اللي تملك نفس الحساب
كل شي تسويه الحين في كتابك من ملاحظات اضافات حفظ وين وصلت في القرايه الحين عن طريق خدمة iCloud تقوم ابل ببث اللي سويته بالكتاب الى كل اجهزتك يعني وين ماتروح بيكون نفس الشي حاصل مع كتابك


طبعا يدعم التضليل الهايلايت للمذاكره وتحديد المهم حق الاخوان اللي يذاكرون او يحطون ملاحظاتهم باهتمام
 ​

وبرضو تقدر تفتح اكثر من كتاب بنفس الوقت ​

..............​

​

 ​

Maps​

ايضا في خطوه لمنافسة خرائط قوقل ومكروسوفت اصدرت ابل نسخه من خرائطها على اجهزة الماك ​

 ​

​

​

​

​

اصبحت اروع على شاشات الماك الخرائط مشبعه بالتفاصيل وسهل جدا التكبير والتصغير وسلس جدا ​

وايضاً ميزة Flyover جميله ( يارب ابل تزيد دعم دول اكثر للميزه هذي خصوصا الخليجيه)​

​

طبعا البحث يضيفلك البيانات حسب موقعك من مطاعم مجمعات مقاهي فنادق وغيرها وايضا استخدموا بيانات برنامج Yelp في البحث ​

 ​

الخارطه ايضا صارت تحددلك المسافه واقرب خط وكم المسافه بالسياره وسيراً على الاقدام ( الى الامام يا ابل بعالم الخرائط)​

ايضا اضافوا خدمه حلوه وهي ​

وانت على الماك قلب بالخارطه ودور وابحث مثل ماتبي عن اللي تبيه ولما تلقاه وتبي تروح له مو لازم تاخذ الماك معاك او تسجل وترجع تدور بالاي فون او الايباد لا كل اللي تسويه ترسل الخارطه الطريق لنفسك يوصلك لجوالك وتكمل المشوار من جوالك ( حلوه جدا)​

 ​

اصبحة الخرائط مبنيه في الماك وبرامجه موجوده في Mail, Contacts, and Calendar يعني خلاص تبي ترسل عنوان تضيف عنوان كورس يجيك او شي به خارطه يطلع لك وهكذا​

..................​

 ​

Calendar​

بنسبه لي التقويم في الماك جميل وحببني في استخدامه بشكل دائم .. ابل عملت عليه شوية تحسينات لا اكثر​

اذا استمرينا بالسحب على الترك باد راح يمشي معاك من اسبوع للثاني للشهر للي بعده وهكذا​

 ​

حسنوا ميزة المناسبات event ​

الحين صار اذا بتكتب مناسبه تشمل مكان يطلع لك الخارطه و الجو المتوقع في ذاك اليوم وكم المسافه والوقت للوصول وهكذا حلو جدا​

 ​

................​

 ​

Safari​

في تحسينات بس الاضافه اللي اعجبتني هي ​

Shared Links​

بما ان ابل اضافة Twitter and LinkedIn في النظام نفسه الحين اي شخص من الناس اللي تتابعهم اضاف رابط في احدى تغريداته الروابط تطلع في خانت Shared Links شي جميل جدا صراحه لمراجعت المهم ​

 ​

حسنوا صرف السفاري للبطاريه واستهلاكه لامكانيات الجهاز بفضل Nitro Tiered JIT and Fast Start technologies​

حسنوا البار الجانبي

Sidebar وصار يدعم الصفحات وطبعا فيه خانت مشاركة الرابط برضو ​

​

 ​

​

..............​

​

 ​

iCloud Keychain​

الحين ومع الميزه هذي كل البيانات محفوظه من اسماء وكلمات سر وحتى بياناتك البنكيه فيزا ماستركارد وغيرها​

كلها محفوظه ومشفره اونلين لك خلاص لو سجلت في الماك في احد المواقع تنحفظ البيانات عن طريق السحابه ويصير لو دخلت الموقع نفسه بعدين من الايباد مثلا وجيت بدخل بياناتك يطلعها لك على طول ياسلام عليك يا ابل ​

 ​

 ​

​

ريحونا من تذكر كل شي من جهاز لجهاز ​

..............​

 ​

Multiple Display​

في السابق لما نشبك الجهاز على اكثر من شاشاه لازم تكون شاشه وحده بس الرئيسيه والبقيه عرض اما الحين لا كلها اذا تبيها في الدوك والكيبورد وكل شي ​

تقدر تشغل البرامج في كل شاشه وتشتغل على كل شاشه بكل مميزات الجهاز وتستفيد من جعل البرامج بحجم كامل الشاشه وبستخدما Mission Control نقدر نوزع ونقسم البرامج على الشاشات مثل مانبي​

​

​

هذا الفيديو يشرحها اكثر استمتعوا بالمشاهده له ​

​

..................​

 ​

Notifications​

تحسينات حلوه على نظام التنبيهات ​

الحين صار مايحتاج تدخل على البرنامج اللي جايك منه التنبيه عشان ترد او توافق او تلغي كلها من التنبيهات تقوم فيها​

​

​

​

واذا انت بعيد عن الجهاز لما ترجع له تلقى كل التنبيهات اللي جت في غيابك تنتظرك قدامك​

​

...............​

 ​

Finder Tabs ​

تحسين جميل على برنامج Finder اصبح بأمكان فتح اكثر من Tab في نافذه وحده منه ​

اصبح نقل ملف سهل جدا مابين كل الــ Tabs وترتيبهم مثل ماتبي بالسحب والافلات​

وصار الFinder يدعم حجم الشاشه كامله​

 ​

................​

 ​

Tags​

جميله وسهل ... اصبح اضافة الملفات في اماكن معروفه وفي خانه واحده وسهل البحث عنها وايجادها وحفظها عن طريق الميزه هذي ​

اصبحة مدموجه في النظام بحيث ان Tags تبان عندك في الفايندر في الخانه يسار ومقسمه وملونه تقدر تغير الاسماء وتضيف جديده وتغير الالوان حسب ماتحب وتهتم فيه وبعدها خلاص وانت في اي برنامج من تبي تعمل حفظ لملف او شي تطلع لك خانة تسجيل الاسم حق الملف ومكان الحفط فيخانه تحت جديده اسمها Tags تحدد نوعيته مثلا رياضه او افلام وهكذا وخلاص يصير الملف هذا اذا بغيته ونسيت وين حطيته تلقاه بسرعه في الـــ Tags وتبين عندنا في السحابه ياسلام وسريع في البحث تقدر تبحث بال Tags وتطلع لك كل الدنيا ​

 ​

​

​

 ​

​

 ​

​

.................​

 ​

وبهذي الاضافه تكمل روعة النظام الجديد لانها تحافظ على الطاقه Energy-saving technologies وتسهل في سرعة فتح البرامج والاستجابه performance-boosting technology​

...............​

​

​

 ​

​

​

............​

............​

هنا استعراض سريع شوي لمعظم مميزات النظام مشاهده طيبه​

​

اتمنى الموضوع نال اعجباكم